Праект партала
Наша страва У егіпецкай грабніцы II тысячагоддзя да нашай эры знайшлі сыр5

Рэчыва ўзростам больш за 3200 гадоў, знойдзенае археолагамі ў егіпецкай грабніцы, аказалася адным з самых старых у свеце сыроў, піша Бі-Бі-Сі.

Фота University of Catania and Cairo University

Рэчыва выявіла некалькі год таму каманда археолагаў, якая працавала ў грабніцы старажытнаегіпецкага саноўніка Птахмеса. Ён служыў фараонам XIX дынастыі (уладарылі ў Егіпце з 1320 па 1200 гг да н.э.) і кіраваў горадам Мэмфіс.

У адной з гліняных пасудзін археолагі заўважылі ўсохлую бялёсую масу. Яны былі ўпэўненыя, што гэта была ежа, але якая менавіта, не разумелі.

Тое, што гэта быў 3200-гадовы сыр, стала зразумела толькі пасля даследавання. Яго вынікі апублікаваныя ў «Часопісе аналітычнай хіміі».

Гэта значнае адкрыццё, бо раней у навукоўцаў не было ніякіх сведчанняў таго, што старажытныя егіпцяне рабілі сыр.

«Гэта, верагодна, самыя старажытныя цвёрдыя рэшткі сыру, знойдзеныя падчас археалагічных раскопак», — каментуе знаходку доктар Энрыка Грэка з Катанійскага ўніверсітэта, які праводзіў хімічны аналіз разам з егіпецкімі калегамі.

«Мы ведаем, што ён быў зроблены пераважна з авечага і казінага малака, але мне вельмі цяжка ўявіць, якім ён быў на смак», — дадае італьянскі даследчык.

Як лічыць гісторык сыраробства і прафесар хіміі Пол Кінстэд, старажытны сыр, хутчэй за ўсё, быў вельмі кіслым — ці нават кіслотным — на смак.

Навукоўцы сцвярджаюць, што знайшлі ў сыры сляды бактэрыі — узбуджальніка бруцэлёзу. Гэта захворванне перадаецца чалавеку, апроч іншага, праз непастэрызаванае малако.

Бруцэлёз можа паразіць амаль усе органы — ад вачэй да апорна-рухальнага апарата. Захворванне існуе і ў нашым тысячагоддзі. Калі пацвердзіцца, што знойдзены менавіта бактэрыі-брусцэлы, гэта будзе сведчаннем самага старажытнага з вядомых выпадкаў заражэння гэтай хваробай.

nn.by

Каментары
Василий / Адказаць 19.08.2018 / 11:34

Ждем сыр "Египетский" на всех прилавках города, от местного производителя, уже совсем скоро!

1
⋆Апрель⋆ / Адказаць 19.08.2018 / 14:37

Василий, и он тоже будет с бруцеллезом? :)))))) А не плохо бы звучало: "СЫР ЕГИПЕТСКИЙ С БРУЦЕЛЛЕЗОМ". Тем более, что подавляющее большинство посчитало бы, что бруцеллез, это какая то сверх полезная молочнокислая "примочка". Добавить еще рекламу и...
Где эти маркетологи-опохмелитологи, пусть на с вами, Василий, за идею  премию начисляют...  :)))

2
вусцішны троль / Адказаць 19.08.2018 / 14:59

для такога сыра патрэбна віно з 2000 гадовай вытрымкай.

0
каментаваць

Націсканьне кнопкі «Дадаць каментар» азначае згоду з рэкамендацыямі па абмеркаванні

СПЕЦПРАЕКТ0 матэрыялаў